Julevsámegiella

Álmmukgirjjevuorkká

Gånågis girjjevuorkká(KB) le Svieriga álmmukgirjjevuorkká. Gånågis girjjevuorkán (KB) le viddno tjoagget ja vuorkkit gájkka ma Svierigin prienntiduvvi. Prienntidum ábnnasijs gájkka ålgusvadde 1661 rájes hähttuji Gånågis girjjevuorkkáj(KB) gájkka prienntidumábnnasijs nåv gåhtjoduvvam nággoeksemplárav sisi rádjat.

Svieriga tjoahkkus le ábnnasijs ma li mälggadav tjoahkkidum. Dánna gávnnuji girje, tidniga, affissja, kárta, gåvvåkårtå, nuohta, reklama, kataloga, doajmmadiedádusá jnv. Rájá tjoaggusijda suojmma vijdeduvvi.

Gånågis girjjevuorká(KB) tjoaggusa li gájkajda, valla guosse li åvdemusát studenta, åhpadiddje, åtsådiddje. Svieriga tjoahkkus ij oattjo häjmmaj loaddnuduvvat, ájnnat girje ja ietjá tjállaga hähttuji mijá nágin låhkåmlanjájn lågoduvvat. Gájkka girjje li girjjeájtijn ja hähttuji rávviduvvat.

Åtsådimgirjjevuorkká

Gånågis girjjevuorkká(KB) le aj Europa oajvemus almasjlasj åtsådimgirjjevuorkájs akta. Girjjevuorkká danen oasstá ájggeguovddel ålggorijkak åtsådimgirjálasjvuodav i.s. árkeologidjan, histåvrån, girjálasjdiedon ja dájdadiedon.

Stáhta fábmudahka

Gånågis girjjevuorkán(KB) fábmudahkan le rijkalasj åvdåsvásstádus aktidittjat ja åvdedittjat diededimbuktemav alep åhpadussáj ja åtsådibmáj. Gånågis girjjevuorkán(KB) le aj rijkalasj åvdåsvásstádus dåjmadittjat ja åvdedittjat rijkalasj girjjevuorkkákatalogav LIBRIS majt Internehta baktu ållå ja sisanet ienep gå vihtta miljåvnå namádusájt 300 svieriga girjjevuorkájn.

Gånågis girjjevuorkáv(KB) guossidit

Girjjevuorkká le rabás gájkajda. Gut le 18 jage dävddám ja gänna le legitimasjåvnnå mij le fámon oadtju tjoaggusijs loaddnut. Gudi li 18 jage nuorabu máhtti Gånågis girjjevuorká(KB) dáhtábásajn, referänssagirjálasjvuodan åhtsåt ja låhkåt mikrofilmmidum biejvvetidnigijt ja ájggetjállagijt. Sierralágásj njuolgadusá li fámon gejda älla Svierigin álmmuktjáledum jali gejn älla sveriga persåvnnånummara. 

Rabásájge

Giesseájge li fámon biehtsemáno 11.b. – bårggemáno 18.b. (vuoseduvvi gávagij sinna).
Mánnodahka – duorastahka: 09-20 (09-18)
Bierjjedahka: 09-19 (09-17)
Lávvodahka: 10-17 (11-15)
Ájllek: Dahpas