Romani Kelderash
Romani
Themeski/Nationalno bibloteka
Kodo phenel ke kaj o KB e bukji te kjidel andre haj te lel sama kathar sa so si publikime/ramomos dino avri ando Svedo. De kathar o bersh 1661, sa kodol save den avri materijalo publikime si te bsihaven aven exemplura musajimaske kaj o KB (kaver divanosa, trobun sa le ramimatha so si dine avri sar knjishki, broshurura, haj manj buth, trobun hunji kothora anda lende bishade andre kaj e Krajesji bibloteka).
Kodo kjidino materijalo si materijalo savo sas kjidino andre vramasa. Kathe si knjishki, bufara-ramomaske, gazzeti, ram-semnoske, ram-rekljamake, affishura, mapi, nutura-gjilange/djilange, rekljami, lila-bishade-pochtathar, katalogura, bukjake-rama-pa so naklaspe, haj maj buth. E granjica pe soste si kjidino andre si bulhardo pasonca.
Le kjidinimatha kathar o KB si savorrenge, numa kodol save aven lathe si de maj buth le studententura/skolithara, sikjaritora, haj rodithara zhanimaske. Kodo Svedicko kjidinimos nashtik ingerelpe khere, numa le knjishki haj kaver ginimatha/djinimatha musaj ginde/djinde ande amare ginimaske/djinimaske sali/sobi. Sa le knjishki inkerdjon ande knjishkengi magazina haj musaj kothar te aven mangle.
Bibloteka pe le zhanimasko rodimos
O KB si vi jekh anda la Evropaki angljarde bibloteki pe le rodimasko zhangljimos andel manushikane pushimatha (sar thema si le manushikane pushimtha sar e sociologia, filosofia, lingvistika/shib, haj maj buth)
Ghor themeske putjarasa
Sar ghor themeske putjarasa kaj e Krajeski bibloteka si o nationalno/themethni sama te kjidel haj te barrarel le dinimaski informacia/zhanimos pe o maj huchardo sikjimos haj zhanimasko rodimos. Kaj o KB si e bukji vi te inkerrel haj te phirravel o barrarimos pe o nationalno/themesko biblotekako katalogo LIBRIS, savo shaj hasnilpe pherdal o interneto haj inkerel karing panzh miljionura titlura pel 300 Svedicka bilblotekura.
Phirrav tut po KB
E bibloteka si putherdi savorrenge. Kodo kaj pherrdas le 18 bersh haj si les/la jekh legitimacia/pinzharimasko lil pe peste kaj chi nakjilas avri, shaj lel avri hunzhule anda o kjidinime materijalo. Vi manush thela le 18 bersh shaj roden ande KBoske basa registraciako/datakobaso, referancoski literatura/ramimatha, haj vi pashe shaj ginel/djinel djeseske gazzeti haj vramke gazzeti save si ando mikrofilmo (cine patratura pala rama, gazzeti, knjishki, patretura, semnura, makimatha, haj maj buth, save garrudine si kothe thena xasajven la vramasa, ke materijalo sar hirtia xasajvol). Alome zakonura/regulura si shinade kodolenge saven aj ramome ando Svedo vaj naj len Svedicko persunalno nummero.
Putherimaski vrama
Milajeski vrama 11to juni- 18to ogusti (sikhadjol ande paranthesa)
Lujine – zhojine: 09–20 (9-18)
Parushtine: 09–19 (09-17)
Savothene: 10–17 (11-15)
Kurke: Phandado
